اسلام آباد(مانیٹرنگ ڈیسک) بھارتی ریاست پنجاب کے شہر امرتسر میں وزیراعظم عمران خان اور نوجوت سنگھ سدھو کی تصاویر والے بڑے بڑے بل بورڈ لگ گئے جن پر شکریہ کے پیغامات درج ہیں ۔کرتار پور راہداری کھولنے کی کوششوں پر وزیراعظم عمران خان کے حق میں یہ بل بورڈ ز سکھ رہنما ہرپال سنگھ کی جانب سے لگائے گئے ہیں ۔
جس میں لکھاہے کہ عمران خان اور نوجوت کرتار پور راہداری کھولنے کے اصل ہیرو ہیں ۔جبکہ ان کی تصاویر پنجاب کے ٹرکوں پر بھی لگا دی گئی ہیں جو کہ بھارت کی سڑکوں پر دوڑتے ہوئے دکھائی دیتے ہیں۔بھارتی انتہا پسند ہندوؤں سے عمران خان کی تصاویر برداشت نہیں ہوئیں اور انہوں نے بل بورڈز سے فلیکس کو اتارنا شرو ع کر دیا۔
