پشاور(این این آئی) خیبر پختونخوا میں بارشوں کا نیا سلسلہ (آج) منگل کی رات سے شروع ہو نیکا امکان ہے محکمہ موسمیات کے مطابق بارشوں کا سلسلہ جمعے کے روز تک جاری رہے گااس سلسلے میں پی ڈی ایم اے نے احتیاطی تدابیر کیلئے ضلعی انتظامیہ کو مراسلہ جاری کر دیا۔ ڈائریکٹرجنرل پی ڈی ایم اے نے تیز بارشوں /برفباری اور ژالہ باری کے پیش نظر متعلقہ اداروں

کو پیشگی اقدامات اٹھانے کی ہدایات جاری کرتے ہوئے سیاحوں کو دوران سفر احتیاطی تدابیر اختیارکرنے کا کہا ہے محکمہ موسمیات کے مطابق ہزارہ اور مالاکنڈ ڈویژن کے بعض علاقوں میں لینڈسلائیڈنگ کا بھی خدشہ ہے۔ڈی جی کاکہناہے کہ پی ڈی ایم اے کا ایمر جنسی آپریشن سنٹر مکمل فعال ہے۔ عوام کسی بھی نا خوشگوار واقعے کی اطلاع ھیلپ لائن 1700پر دیں۔