اسلام آباد (مانیٹرنگ ڈیسک)سینئر تجزیہ کار ہارون الرشید نے ایک نجی ٹی وی پروگرام میں کہا ہے کہ آزادی مارچ میں شامل ہونے والے بہت سے شرکاء لاہور پہنچنے کے بعد غائب ہو گئے ہیں ۔ ملتان سے جتنے بھی افراد آزادی مارچ کیساتھ چلے تھے وہ لاہور نہیں پہنچے بلکہ راستے سے ہی غائب ہو گئے یہاں تک کہ مولانا فضل الرحمان کے اپنے لوگ بھی لاہور پہنچتے پہنچتے غائب ہو گئے ۔ ہارون الرشید نے دعویٰ کرتے ہوئے کہا ہے کہ اس وقت آزادی مارچ میں مسلم لیگ نواز اور پیپلز پارٹی کہیں بھی
دکھائی نہیں دے رہی ۔ اب تک کی اطلاع کے مطابق مارچ کے شرکاء جی ایچ کیو مری روڈ کے سامنے سے اسلام آباد میں داخل ہوں گے۔ معروف صحافی کا مزید کہنا تھا کہمیں پُوری ذمہ داری سے بتا رہا ہوں کہ جنہیں مولانا پیغام دینا چاہتے تھے، انہوں نے انہیں واضح پیغام دے دیا ہے کہ ملک پہلے ہی کافی مسائل کا شکار ہے، اس لیے مزید ٹکراؤ کا متحمل نہیں ہو سکتا۔یہ داخلی تاریک نہیں اسے باہر سے بھی مکمل سپورٹ حاصل ہے ۔ مستقبل میں حالات کس طرف جاتے ہیں اس کا علم تو صرف اللہ پاک کو ہے ۔
