اسلام آباد(مانیٹرنگ ڈیسک)شہزادہ ولیم اور شہزادی کیٹ میڈلٹن نے اپنے پانچ روزہ دورے کے دوران اسلام آباد ، لاہور اور چترال کی وادیوں کی سیر کی ، جس دوران وہ قدرتی مناظر سے لطف اندوز ہوئے اور کھل کر تعریف کی ۔شہزادہ ولیم اور شہزادی کیٹ کو دورہ لاہور کے دوران تاریخی بادشاہی مسجد اور شاہی قلعے کی بھی سیر کروائی گئی اور اس کی تاریخ سے آگاہ کیا گیا ۔

شہزادی کیٹ نے اس دوران ہرے رنگ کا لباس زیب تن کیا ، جوڑے کو بادشاہی مسجد میں تلاوت قرآن پاک بھی سنائی گئی جس دوران شہزادی نے محسوس کیا کہ ان کا پاؤں لباس سے باہر ہے تو انہوں نے فوری اپنے دوپٹے سے پاؤں کو ڈھانپا اور نہایت ادب سے بیٹھتے ہوئے تلاوت قرآن پاک سنی ۔یاد رہے برطانوی شاہی جوڑا پاکستان کا کامیاب دورہ کرنے کے بعد انگلینڈ واپس پہنچ گیاہے

موضوعات:برطانوی شاہی جوڑا