اسلام آباد(مانیٹرنگ ڈیسک)پنجاب میں ڈینگی کے بڑھتے وار پر پاکستان مسلم لیگ ن کے رہنما اور سابق صوبائی وزیر صحت پنجاب سلمان رفیق کو ڈینگی ختم کرنے کی گارنٹی پر جیل سے رہائی کی پیشکش کردی گئی۔تفصیلات کے مطابق صوبائی وزیر صحت یاسمین راشد ڈینگی کے آگے بے بس ہو گئی ہیں۔یہی وجہ ہے یاسمین راشد نے کہا ہے کہ سلمان رفیق کو ڈینگی ختم کرنے کی شرط پر جیل سے نکالا جا سکتا ہے۔دوسری جانب راولپنڈی میں گزشتہ چوبیس گھنٹوں میں مزید82شہری ڈینگی بخار کا شکار ہوئے جس کے بعد راولپنڈی میں ڈینگی پازٹیو مریضوں کی ابتک تعداد 2522 ہوگئی۔
رپورٹ کے مطابق پوٹھوہار ٹائون علاقوں سے چوبیس گھنٹوں میں 54 مزید ڈینگی کا نشانہ بنے،ائیررپورٹ یاوسنگ سکیم اور ملحقہ علاقوں میں ڈینگی کی شدت برقرار ہے ،راول ٹائون اور کنٹونمنٹ علاقوں میں گزشتہ چوبیس گھنٹوں میں 24شہری ڈینگی کا نشانہ بن گئے ۔