پشاور(این این آئی)وزیراعلیٰ خیبرپختونخوا محمود خان نے تحصیل ڈومیل کے ناظم اعلیٰ فدا محمد خان کو تحریک انصاف میں شمولیت پر خوش آمدید کہا ہے۔ فدا محمد خان نے وزیراعلیٰ ہاؤس پشاور میں وزیراعلیٰ محمود خان سے ملاقات کے دوران پاکستان پیپلز پارٹی سے مستعفی ہو کر تحریک انصاف میں شمولیت کا اعلان کیا۔ اس موقع پر سابق صوبائی وزیر ملک شاہ محمد خان وزیر،
سابق امیدوار قومی اسمبلی بنوں نسیم علی شاہ، ضلعی جنرل سیکرٹری حاجی وحید خان، اسماعیل خان وزیر، شاہد خان ڈسٹرکٹ ممبر، ملک نور غزالی، قاری اسرار اللہ شاہ سمیت پی ٹی آئی کے اہم لیڈرز موجود تھے۔ اس موقع پر وزیرعلیٰ نے فدا محمد خان کو پارٹی مفلر اور ٹوپی پہنائی اور پارٹی میں شمولیت پر انکا خیر مقدم کیا۔
