راولپنڈی (این این آئی) ٹرانسپورٹروں نے پیڑولیم مصنوعات کی قیمتوں میں اضافے کے خلاف عید کے بعد پہیہ جام ہڑتال کا اعلان کر دیا۔ پیٹرولیم مصنوعات کی قیمتوں میں اضافہ کے بعد کرایوں میں بھی اضافہ کیا جائے۔ حکومت نے پیڑولیم مصنوعات کی قیمتوں میں اضافہ کر کے عوام پر مزید بوجھ ڈال دیا ہے۔کرایوں میں اضافہ ناگزیر ہو گیا ہے۔

تفصیلات کے مطابق راولپنڈی اسلام آباد پبلک ٹرانسپورٹ کے مرکزی صدر راجہ محمد بشیر نے پیڑولیم مصنوعات کی قیمتوں میں اضافے کے خلاف ردعمل دیتے ہوئے کہا کہ عید کے بعد حکومت راولپنڈی، اسلام آباد میں تمام پبلک ٹرانسپورٹ کو بند کر دینگے۔ ہم عید سے قبل عوام کو مزید پریشان نہیں کرنا چاہتے اگر حکومت نے کرایوں میں اضافہ نہ کیا تو  راولپنڈی اور اسلام آباد کی سٹرکوں پردما دم مست قلندر ہو گا اور پیڑولیم مصنوعات کی قیمتوں کے خلاف پہیہ جام ہڑتال کر کے ظلم کے خلاف میدان میں آئینگے۔ اپنے بیان میں انہوں نے کہا کہ حکومت نے پیڑولیم مصنوعات کی قیمتوں  میں اضافہ کر کے ہم سے روز گار بھی چھینا جا رہا ہے۔ انہوں نے کہاکہ پبلک ٹرانسپورٹ کو سی این جی گیس پر بھی نہیں چلانے دیا جا رہا اور اب پیڑول کی قمیت میں اضافہ کر دیا گیا ہے لیکن کرایوں میں اضافہ نہیں کیا گیا۔ راولپنڈی، اسلام آ باد میں پبلک ٹرانسپورٹ کا کرایہ 20 جون 2018 کو طے کیا گیا تھا لیکن اب تک پرانا کرایہ نامہ چلایا جا رہا ہے۔ ہمارا مطالبہ ہے کہ فوری طور پر کرایوں میں اضافہ کیا جائے تاکہ ہم اپنے کاروبار کا پہیہ چلایا سکے۔انہوں نے وزیر قانون پنجا ب راجہ بشارت اور سیکرٹری آر ٹی اے سے بھی مطالبہ کیا کہ پبلک ٹرانسپورٹ کے کرایوں میں اضافہ کے لئے اپنا کردار ادا کریں اور ہمارے روزگار کو بچائیں۔