اسلام آباد (مانیٹرنگ ڈیسک) سینئر کالم نگار و اینکر پرسن حامد میر نے کہا ہے کہ عمران خان پاکستانی تاریخ کے خوش قسمت ترین وزیراعظم ہیں جبکہ اس کیساتھ کچھ لوگ یہ بھی کہہ رہے ہیں کہ وہ پاکستان کی تاریخ کے بدقسمت ترین وزیراعظم ہیں ۔ خوش قسمت اس لیےہیں کہ
وزیراعظم عمران خان کیساتھ ملکی اہم ریاستی ادارے ان کے پیچھے کھڑے ہیں لیکن بدقسمت اس لیے کیونکہ ریاستی اداروں کے بھرپورتعاون کے باوجود وہ عوام مسائل کے حل کیلئے ابھی تک کوئی ٹھوس اقدامات نہیں کر سکے ۔ جج ویڈیو سکینڈل ان کے لئے مسائل میں اضافے کا باعث بن سکتا ہے۔ جبکہ دوسری جانب سینئر اینکر پرسن حامد میر نے انکشاف کرتے ہوئے کہا ہے کہ اپوزیشن جماعتوں کے سربراہان اس وقت جیلوں میں قید ہیں ۔ شاہد خاقان عباسی کو گرفتار کر کے جیل میں ڈال دیا گیا ہے ۔ معروف صحافی حامد میر کا مزید کہنا تھا کہ ہم نے سنا ہے کہ بلاول بھٹو اور شہباز شریف کو بھی گرفتار کر لیا جائے گا۔ ایسا محسوس ہو رہا ہے کہ وزیراعظم عمران خان چاہتے یہی ہیں کہ ساری اپوزیشن جیل چلی جائے تاکہ وہ امریکا کادورہ کر کے واپس پاکستان آئیں تو ان کیخلاف کوئی جماعت احتجاج نہ کر رہی ہو ، اسی لیے وزیراعظم کی کوشش ہو گی کہ اپوزیشن جماعتوں کے جو لوگ باہر رہ گئے ہیں وہ جلد میں ڈال دیئے جائیںجبکہ اپوزیشن جماعتوں نے حکومت کیخلاف بھرپور احتجاج کرنے کا اعلان کر رکھا ہے ۔
