لاہور(نیوز ڈیسک)سول ایوی ایشن اتھارٹی نے اوور فلائی پر پابندی کا نیا نوٹم جاری کر دیا،26 جولائی تک ہر قسم کی ٹرانزٹ پروازوں پر پابندی ہو گی، اس سے قبل ٹرانزٹ اور اوور فلائی پر 12جولائی تک پابندی عائد تھی۔ذرائع کے مطابق سول ایوی ایشن اتھارٹی نے اوور فلائی پر پابندی کا نیا نوٹم جاری کر دیا ہے۔ بھارتی طیارے پاکستانی فضائی حدود استعمال نہیں

کر سکیں گے۔ پاک بھارت کشیدگی کے باعث پاکستانی فضائی حدود 27 فروری سے بند ہے۔ پاکستان کی مشرقی فضائی حدود مکمل طور پر بند ہے تاہم ملک کی مغربی فضائی حدود میں جزوی آپریشن بحال ہے۔بھارت کے لیے پاکستانی فضائی حدود استعمال کرنے پر پابندی لگائی گئی تھی لیکن اس پابندی میں مزید اضافہ کر دیا گیا، جس سے بھارت کی پریشانی میں مزید اضافہ ہو گیا ہے۔