لاہور( این این آئی ) بین الاقوامی منشیات فروشوں کی بڑی تعداد کے لاہو رمیں مکروہ کاروبار کرنے کا انکشا ف ہوا ہے ۔پولیس کے حوالے سے بتایاگیا ہے کہ رواں سال پولیس نے14غیرملکی منشیات فروشوں کوگرفتارکیاجن میں فرانسیسی،نائجیرئن اور دیگر ممالک کے منشیات فروش شامل ہیں۔گرفتارملزموں میں غیرملکی منشیات کے دھندے میں ملوث خاتون بھی شامل ہے۔

گرفتارمنشیات فروشوں نے پاکستان میں شادیاں بھی رچارکھی ہیں۔پولیس کے مطابق غیرملکی منشیات فروشوں کوصدرڈویژن ، ماڈل ٹائون اور اقبال ٹاون ڈویژن سے گرفتارکیاگیا۔ ملزموں نے دوران تفتیش مزید کئی غیرملکی منشیات فروشوں کے ناموں سے پردہ اٹھایا ۔ پولیس کے مطابق مزید گرفتاریوں کے لئے چھاپہ مارٹیموں کی کارروائیاں جاری ہیں۔