اسلام آبا د(این این آئی)اسلام آباد ہائیکورٹ نے سابق وزیراعظم نواز شریف کی طبی بنیادوں پر دائر درخواست مسترد ہونے کا تفصیلی فیصلہ جاری کر دیا ہے جس میں کہاگیاہے کہ نواز شریف کو جیل میں تمام طبی سہولیات فراہم کی جارہی ہیں،سہولیات کی فراہمی کے بعد طبی بنیادوں پر ضمانت نہیں دی جاسکتی۔ جمعہ کو فیصلہ ہائی کورٹ کے جسٹس عامر فاروق اور جسٹس محسن اختر کیانی
نے جاری کیا۔سات صفحات پر مشتمل تفصیلی فیصلہ میں اسلام آباد ہائیکورٹ نے وجوہات جاری کردیں۔ عدالت نے کہاکہ نواز شریف کو جیل میں تمام طبی سہولیات فراہم کی جارہی ہیں۔ عدالت نے کہاکہ سہولیات کی فراہمی کے بعد طبی بنیادوں پر ضمانت نہیں دی جاسکتی، سپرنٹنڈنٹ جیل اور نواز شریف نے کبھی میڈیکل بورڈ کی تشکیل کی استدعا نہیں کی۔
