لاہور(این این آئی) قومی احتساب بیورو (نیب)لاہور نے سابق وزیراعلی پنجاب میاں شہباز شریف کو 5 جولائی کو طلب کر لیا۔نجی ٹی وی کے مطابق شہباز شریف کی رہائشگاہ پر پانچ جولائی کو طلبی کا سمن موصول کروا دیا گیا۔ سابق وزیراعلی پنجاب کو 5 جولائی، دوپہر 2 بجے پیش ہونے کی ہدایات کی گئی ہے۔

نیب مراسلہ میں شہباز شریف کو فیملی کے تمام اثاثہ جات اور 2009 میں 11 کروڑ 22 لاکھ سے زائد کی رقوم کی فارن کرنسی میں وصولی کی تفصیلات فراہم کرنے کی ہدایت کی گئی ہے۔اس کے علاوہ شہباز شریف کو بیرون ملک اثاثہ جات اور اکاؤنٹس کے علاوہ گاڑیوں کی تفصیلات بھی فراہم کرنے کی ہدایات کی گئی ہے۔