لاہور(این این آئی) مسلم لیگ (ن) کی نائب صدر مریم نواز نے ملک کی خراب معاشی صورت حال سے متعلق جاری رپورٹ پر کہا کہ یہ تاریک دن ہیں،حکمرانوں کی نااہلی ملک کو شدید نقصان پہنچارہی ہے۔ٹویٹر پر مسلم لیگ (ن)کی نائب صدر مریم نواز نے ملک کے مختلف اخبارات کے
تراشے ٹوئٹ کئے، ان اخباری تراشوں میں ٹیکسز اور حکومت کی جانب سے کئے گئے اقدامات کے باعث ہونے والی ہوشربا مہنگائی کو بیان کیا گیا ہے۔مریم نواز نے ان اخباری تراشوں کو شیئر کرتے ہوئے کہا کہ یہ تاریک دن ہیں۔حکمرانوں کی نااہلی ملک کو شدید نقصان پہنچارہی ہے۔
