لاہور( این این آئی ) لاہور ہائیکورٹ نے ایف آئی اے اور پولیس کو شادی کرنے والے چینی باشندے اور پاکستانی لڑکی کو ہراساں کرنے سے روک دیا ۔لاہور ہائیکورٹ کے جسٹس چوہدری عبدالعزیز نے درخواست پر سماعت کی ۔ پاکستانی لڑکی روبیقہ نے موقف اپنایا کہ
چینی لڑکے سے گھر والوں کی مرضی سے اپریل 2019 میں شادی کی ۔چینی جوڑوں کی شادیوں کے سکینڈل کے بعد ایف آئی اے اور پولیس کی جانب سے ہراساں کیا جارہا ہے۔ استدعا ہے کہ عدالت ایف آئی اے پولیس کو ہراساں کرنے سے روکنے کے احکامات جاری کرے ۔
