اسلام آباد(مانیٹرنگ ڈیسک) دوسری شادی کیلئے مصالحتی کونسل کی اجازت ضروری قرار۔نجی ٹی وی کے مطابق اسلام آباد ہائی کورٹ نے دوسری شادی کیلئے مصالحتی کونسل کی اجازت ضروری قرار دے دی،فیصلے میں کہا گیاہے کہ دوسری شادی کےلئے بیوی سے اجازت کے باوجود مصالحتی کونسل کی اجازت ضروری ہے،آزاد کشمیر کے رہائشی لیاقت علی میر کو ایک
ماہ قید اور 5ہزار جرمانے کی سزا سنائی گئی،ایڈیشنل سیشن جج نے کشمیر کا باشندہ ہونے کی وجہ سے لیاقت علی کو بری کیا،عدالت نے ریمارکس دیئے کہ جس شخص کے پاس قومی شناختی کارڈ ہے، اس پر تمام قوانین کا اطلاق ہو گا،اسلام آباد ہائی کورٹ نے پہلی بیوی کی اپیل پر لیاقت علی میر کی بریت کو کالعدم قرار دے دیا۔سوشل میڈیاصارفین نے عدالت کے اس فیصلے کو سراہا ہے ۔
