فیصل آباد(نیوز ڈیسک) پاکستان تحریک انصاف میں بھی ہلچل، اہم سیاسی رہنما نے تحریک انصاف چھوڑ کر پیپلز پارٹی میں شامل ہونے کا عندیہ دے دیا، میڈیا ذرائع کے مطابق فیصل آباد کے حلقہ این اے 110 سے کامیاب ہونے والے تحریک انصاف کے رہنما راجہ ریاض نے دوبارہ پیپلزپارٹی میں شمولیت کا عندیہ دیا ہے، یاد رہے کہ وزارت نہ ملنے کی وجہ سے
راجہ ریاض پارٹی قیادت سے ناراض ہیں اور اسی وجہ سے انہوں نے تحریک انصاف چھوڑنے کا فیصلہ کیا ہے۔ واضح رہے کہ 13 مئی 2016ء کو پیپلز پارٹی چھوڑ کر راجہ ریاض تحریک انصاف میں شامل ہوئے تھے، ذرائع کا کہناہے کہ بلاول بھٹو جب جولائی میں فیصل آباد آئیں تو راجہ ریاض دوبارہ پیپلز پارٹی میں شامل ہو جائیں گے۔
