اسلام آباد (این این آئی) پاکستان نے کہاہے کہ ایف اے ٹی ایف پر بھارتی تجاویز کو مسترد کرتے ہیں۔ ایک بیان میں ترجمان دفتر خارجہ نے کہاکہ ایف اے ٹی ایف سے متعلق بھارتی بیان پہلے سے ہی مسترد شدہ ہے۔ ترجمان نے کہاکہ یہ بھارت کی طرف سے ایف اے ٹی ایف کو منفی اور سیاسی مقاصد کیلئے اِستعمال کرنے کی مسلسل

کوششوں کو ثابت کرتا ہے۔ ترجمان نے کہا کہ پاکستان نے اس حوالے سے مسلسل اپنے تحفظات ایف اے ٹی ایف کے سربراہ اور رکن ممالک تک پہنچائے ہیں۔ ترجمان نے کہاکہ بھارت مسلسل منفی بیانات اور میڈیا لیکس کے ذریعے پاکستان کو نیچا دکھانے کی کوشش کر رہا ہے۔ ترجمان نے کہاکہ پاکستان نے اعلیٰ سطح پر بھارتی ارادوں کو اجاگر کیا ہے۔