اسلام آباد (این این آئی) معاون خصوصی برائے اطلاعات و نشریات ڈاکٹر فردوس عاشق اعوان نے پاکستان مسلم لیگ (ن)کی نائب صدر مریم نواز کی پریس کانفرنس کو مسلم لیگ (ن)پر خود کش حملہ قرار دیتے ہوئے کہا ہے کہ مسلم لیگ (ن)دو بیانیوں میں دھنس گئی ہے،مریم نواز کو مریم نواز کو اپنے چچا سے پارٹی صدارت کا استعفیٰ بھی طلب کرلینا چاہیے تھا،مریم نواز صاحبہ آپ ضمانت پر ہیں،آپ کے جرم ختم نہیں ہوئے،یہ نیا پاکستان ہے،صرف آئین اور قانون کی حکمرانی ہو گی،

بیماری کے نام پر آہ و بکا کی جارہی ہے،نواز شریف کو دل کا نہیں اقتدار کا درد ہے،بلاول کو سیاسی بلوغت کی ضرورت ہے۔ ہفتہ کو یہاں پریس کانفرنس سے خطاب کرتے ہوئے مریم اور نگزیب نے کہاکہ امیر قطر کا دورہ وزیراعظم عمران خان کی قیادت پر اعتماد کا مظہر ہے۔ انہوں نے کہاکہ دنیا وزیراعظم پاکستان کی قائدانہ صلاحیتوں کی معترف ہے،قطر کیساتھ جو معاہدے ہونے جارہے ہیں وہ نئی نوید سحر کا پیغام دینگے۔ انہوں نے کہاکہ پہلے ذاتی مفادات کے لیے قطر سے خط لکھوائے جاتے تھے۔ انہوں نے کہاکہ میاں صاحب نے اپنی ذات کو نوازنے کیلئے قوم کو شرمندہ کیا۔ انہوں نے کہاکہ مریم نواز نے آج اپنی ہی جماعت پر خودکش حملہ کیا،مسلم لیگ ن دو بیانیوں میں پھنس نہیں بلکہ دھنس چکی ہے۔ انہوں نے کہاکہ مریم نواز کو اپنے چچا سے پارٹی صدارت کا استعفیٰ بھی طلب کرلینا چاہیے تھا۔ انہوں نے کہاکہ مریم نواز نے میثاق معیشت کو مذا ق قرار دیا۔انہوں نے کہاکہ (ن)لیگ کی رہنما کی جانب سے لمبی تقریر کی گئی،خاتون نواز شریف کی میڈیکل رپورٹس کو سیاست کے لیے استعمال کررہی ہیں،اس رپورٹ کے بعد ڈاکٹرز کو اپنی قابلیت پر شک ہوگا،اگر ملک کے ستر سالہ قیدیوں کی میڈیکل رپورٹس سامنے آئیں تو سب بیمار ہونگے۔ انہوں نے کہاکہ بیماری کے نام پر آہ و بکا کی جارہی ہے،نواز شریف کو دل کا نہیں اقتدار کا درد ہے۔ڈاکٹر فردوس عاشق نے کہاکہ ایک وہ لیڈر ہے جو اقتدار میں آنے سے پہلے ایمانداری کا سرٹیفکیٹ لیتا ہے،دنیا عمران خان کی ایمانداری کو مانتی ہے،کیا پدی کیا پدی کا شوربہ۔ انہوں نے کہاکہ میرا لیڈر نہیں چاہتا کہ بیٹی پر بات جائے،

میں نے منہ کھولا تو مریم نواز کسی کو منہ دکھانے کے قابل نہیں رہے گی۔ انہوں نے کہاکہ مریم نواز کا حال بے حال ہے۔ انہوں نے کہاکہ سزایافتہ راجکماری نے آج بہت لمبا لیکچر دیااور اپنے چچا کی سوچ کا مذاق اڑایا۔ انہوں نے کہاکہ مریم نواز نے اپنے والد کی صحت پر سیاست کی، انہوں نے کہاکہ مریم نواز صاحبہ آپ ضمانت پر ہیں آپ کے جرم ختم نہیں ہوئے۔ڈاکٹر فردوس عاشق اعوان نے کہاکہ مریم نواز صاحبہ یہ نیا پاکستان ہے یہاں صرف آئین اور قانون کی حکمرانی ہو گی۔

معاون خصوصی نے کہاکہ اپوزیشن نے تو حکومت کے خلاف تحریک چلانی تھی کہاں گئی وہ تحریک؟۔ڈاکٹر فردوس عاشق اعوان نے مریم نواز کو مخاطب کرتے ہوئے کہاکہ عمران خان سے بغض آپکی گفتگو میں نظر آتا ہے،انکوائری کمیشن کے نتائج سے خاتون بخوبی آگاہ ہیں،عمران خان کو تنقید کا نشانہ نہ بنائیں۔فردوس عاشق اعوان نے کہاکہ نواز شریف کوجیل سے باہر نکالنے کے لیے

مریم نواز ہر ہتھکنڈہ استعمال کررہی ہیں۔ انہوں نے کہاکہ بلاول کو سیاسی بلوغت کی ضرورت ہے۔ انہوں نے کہاکہ بجٹ کے خلاف احتجاجی تحریک آج دم توڑ گئی،اسکا مطلب ہے یہ سب گیدڑ بھبھکیاں ہیں،یہ گیدڑ بھبھکیاں عمران خان کو پریشرائز کرنا ہے۔ ایک سوال پر انہوں نے کہاکہ انکوائری کمیشن نے چالیس چوروں کو پکڑنا ہے۔انہوں نے کہاکہ ڈان لیکس اور دوسرے قومی مسائل پر آپکا کردار دنیا جانتی ہے۔