لاہور (این این آئی) پاکستان مسلم لیگ (ن)پنجاب کے صدر رانا ثنااللہ خان نے کہا ہے کہ مریم نواز شریف کے بارے میں بازاری اور گھٹیا زبان استعمال کرنے کی مذمت کرتے ہیں،مریم نواز شریف کی پریس کانفرنس فردوس عاشق اعوان باجی کے کانوں میں پگھلے ہوئے سیسے کی طرح اتر گئی ہے۔ رانا ثناء اللہ نے وزیراعظم کی معاون خصوصی ڈاکٹر فردوس عاشق عوان کے بیان پر ردعمل

کا اظہار کرتے ہوئے کہاکہ مریم نواز کی پریس کانفرنس سے پوری حکومت ذہنی مریض ہو گئی ہے،منافق اعظم کی شہہ پر گیدڑ بھبھکیوں سے گریز کریں۔انہوں نے کہاکہ مریم نواز کی پریس کانفرنس کے بعد پوری حکومت میں صف ماتم بچھ گئی ہے۔حکومتی خوف کا یہ عالم ہے کہ حکومتی ترجمان امیر ِ قطر کے دورے پر پریس کانفرنس کرنے کی بجائے مریم نواز کے خوف مبتلا تھیں۔