اسلام آباد(آن لائن)وزیر موسمیاتی تبدیلی زرتاج گل بجٹ اجلاس میں اپوزیشن اراکین اسمبلی کے بجٹ پر اعتراضات کی تقریروں کا جواب دیتے ہوئے حواس باختہ ہو گئی۔ گزشتہ روز زرتاج گل نے خورشید شاہ کی بجٹ تقریر کا جواب دیتے ہوئے وفاق کے بجٹ کی بجائے صوبہ پنجاب کے بجٹ کی تعریفیں شروع کر دیں اور اپنے سیاسی حریف اویس خان لغاری کی طرف اپنی توپوں کا رخ کر لیا جس پر اپوزیشن بنچوں پر بیٹھی خواتین نے ہنسنا
شروع کر دیا اور وزیر موسمیاتی تبدیلی کو یاد کروایا کہ کہ یہ نیشنل اسمبلی ہے پنجاب اسمبلی نہیں اور اپ یہاں بجٹ تقریر کر رہی ہیں جس پر بھی زرتاج گل نے اپنی تقریر جاری رکھی اور اور اپنا موضوع تبدیل کرتے ہوئے شہباز شریف کے بارے میں جملہ کسا بعد ازاں قائم مقام اسپیکر قاسم سوری نے زرتاج گل کو تقریر دو منٹ ختم کرنے کا کہا پھر بھی وزیر موسمیاتی تبدیلی نے اپنی تقریر میں وفاق کے بجٹ کو خاص اہمیت نہ دی۔
