اسلام آباد (مانیٹرنگ ڈیسک)وفاقی دارالحکومت اسلام آباد اور راولپنڈی میں گرج چمک کے ساتھ تیز بارش نے جڑواں شہروں کے موسم کو خوشگوار بنا دیا، تیز گرمی خوشگوار موسم میں بدل گئی، ایک نجی ٹی وی چینل کی رپورٹ کے مطابق آئندہ دو روز میں بارش کا سلسلہ وقفے وقفے سے جاری رہنے کی توقع ہے، محکمہ موسمیات
کا کہنا ہے کہ ملک کے بیشتر علاقوں میں جمعرات کے روز موسم گرم اور خشک رہا، رپورٹ کے مطابق جڑواں شہروں سمیت کوہاٹ، مالا کنڈ، بنوں، ہزارہ، ڈی آئی خان، لاہور، سرگودھا، حیدر آباد ڈویژن، میرپورخاص، گلگت بلتستان اور کشمیر میں چند مقامات پر آندھی اور گرج چمک کے ساتھ بارش ہوئی۔
