اسلام آباد (آن لائن) سابق وزیر خزانہ اسحاق ڈار کی گرفتاری کیلئے نیب کی پانچ رکنی اعلیٰ افسران پر مشتمل ٹیم برطانیہ (لندن) جائے گی۔ نیب ٹیم کی سربراہی ڈی جی نیب راولپنڈی عرفان منگی کریں گے۔ اسحاق ڈار کی گرفتاری کیلئے حکومت پاکستان اور برطانیہ کے مابین سمجھوتہ ہو چکا ہے۔ گرین سگنل ملنے کے بعد نیب کی ٹیم کو لندن بھجوانے کے لئے ناموں کو حتمی شکل دی جا رہی ہے۔ نیب ٹیم میں ڈپٹی پراسیکیوٹر جنرل بھی شامل ہیں۔ ذرائع نے بتایا کہ نیب ہیڈ کوارٹر میں ایک اعلیٰ سطحی اجلاس میں اسحاق ڈار کی گرفتاری کیلئے لائحہ عمل
کو حتمی شکل دی گئی ہے۔ حکومت نے بھی نیب کا مکمل حمایت کا یقین دلایا ہے۔ اسحاق ڈار کی گرفتاری نواز شریف اور شہباز شریف کیلئے ایک زہر قاتل ہے۔ اسحاق ڈار بنیادی طور پر ایک ڈرپوک آدمی ہیں اور گرفتاری کے پہلے ہی دن شریف خاندان کی تمام کرپشن کے ثبوت نیب کو دے دینگے۔ ماضی میں بھی اسحاق ڈار نے مجسٹریٹ کے سامنے بیان دیا تھا کہ نواز شریف خاند ان منی میں ملوث ہے لیکن بعد میں یہ کرپٹ شخص مکر گیا ہے۔ اسحاق ڈار کی کرپشن بارے اہم مقدمات مقامی احتساب عدالت میں زیر سماعت ہیں۔ اسحاق ڈار سابق وزئر اعظم شاہد خاقان عباسی کی مدد سے لندن بھاگ گئے تھے۔ اسحاق ڈار کو لندن بھاگنے میں مدد شاہد خاقان عباسی نے دی تھی۔ اسحاق ڈار پہلے ازبکستان کے طیارے پر گئے تھے وہاں سے براہ راست دبئی اور لندن بھاگ گئے۔