لاہور( این این آئی )بہاولپور کے نوجوان کی محبت میں اندھی ہوکر پاکستان پہنچنے والی انڈونیشین خاتون وطن واپس روانہ ہوگئی۔انڈونیشین خاتون مورنگش نیگا سیرف ایک ماہ قبل بہاولپور کے نوجوان کی محبت میں لاہورآئی تھی۔ مذکورہ لڑکے نے لاہور میں مورنگش سے ملاقات کی اور شادی کرنے کے چند روز بعد جان چھڑوانے کے لیے گھریلو مجبوری ظاہر کردی کہ وہ اس کو ساتھ نہیں رکھ سکتا، لڑکے نے خاتون سے رقم بٹور لی اور لاہور ائیر پورٹ پر چھوڑ گیا۔غیر ملکی خاتون تین دن تک لاہور ایئر پورٹ پر پڑے رہنے کے بعد گھروالوں سے پیسے منگوا کر نجی
ائیر لائنز کے ذریعے اپنے ملک واپس روانہ ہوگئی۔