اسلام آباد (این این آئی) امیر قطر بائیس تاریخ ہفتہ پاکستان پہنچیں گے۔سفارتی ذرائع کے مطابق امیر قطر کا دورہ پاکستان دو روزہ ہو گا، امیر قطر اپنے ساتھ اعلی سطح کا وفد بھی لائیں گے۔ ذرائع ک مطابق امیر قطر کو پاکستان پہنچتے ستاھ ہی ہیلی کاپٹر سے نتھیاگلی لے جایا جائیگا،نتھیا گلی میں عمران خان مہمان کا استقبال کریں گے۔ سفارتی ذرائع کے مطابق امیر قطر کو بائیس تاریخ کو شام کو ہیلی کاپٹر کے ذریعے واپس اسلام آباد لایا جائیگا۔

سفارتی ذرائع نے بتایاکہ اسلام آباد میں امیر قطر کا قیام فائیو اسٹار ہوٹل سرینا میں ہو گا،23 تاریخ کو امیر قطر کی پاکستان میں کی جانے والی سرمایہ کاری کے حوالے سے اہم ملاقاتین ہونگی،ان ملاقاتوں کا سلسلہ ایوان صدر سے ہو گا۔ ذرائع کے مطابق امیر قطر وزیراعظم عمران خان سے ون آن ون ملاقات کریں گے،امیر قطر وفود کی سطح پر بھی ملاقاتین کریں گے۔ سفارتی ذرائع کے مطابق امیر قطر دورے کے دوران پاکستان میں بائیس بلین سرمایہ کاری کا اعلان کریں گے