لاہور(این این آئی)لاہور ہائیکورٹ نے سول جج کو کرسی مارنے پر سزا پانے والے وکیل عمران منج ایڈووکیٹ کی سزا معطلی سے متعلق تحریری فیصلہ جاری کر دیا ۔ لاہور ہائیکورٹ کے جسٹس مظاہر علی اکبر نقوی کی سربراہی میں دو رکنی بنچ نے فیصلہ جاری کیا۔ تحریری حکم میں کہا گیا ہے کہ ملزم کا جرم قابل ضمانت ہے ،کسی شخص کی آزادی اس کا

قیمتی حق ہے جسے آئین پاکستان تحفظ فراہم کرتا ہے ۔عدالت ٹرائل عدالت کی جانب سے ملزم کی سزا معطل کرتی ہے ۔ملزم2لاکھ کا ایک ضمانتی مچلکہ جمع کروائے ۔یاد رہے کہ فیصل آباد کی انسداد دہشتگردی عدالت نے عمران منج ایڈووکیٹ کو مجموعی طور پر 18 سال قید کی سزا کا فیصلہ سنایا تھا جس کے خلاف ملزم نے لاہو ر ہائیکورٹ سے رجوع کیا تھا ۔

موضوعات:لاہور ہائیکورٹ