اسلام آباد (این این آئی) پاکستان مسلم لیگ (ن) کے سینئر نائب صدر شاہد خاقان عباسی نے دعویٰ کیا ہے کہ تحریک انصاف کے 15 اراکین قومی اسمبلی ن لیگ سے رابطے میں ہیں۔ایک انٹرویومیں شاہد خاقان عباسی نے کہاکہ تحریک انصاف کے ارکان کو ہم نے نہیں بلایا وہ خود آئے ہیں اور کہہ رہے ہیں اور بھی ارکان ہمارے ساتھ ہیں۔بلاول بھٹو کے اعجاز شاہ پر سازش کے الزام پر شاہد خاقان عباسی نے اختلاف کرتے ہوئے کہا کہ انہیں ایسا نہیں لگتا۔اپنی ممکنہ گرفتاری پر ردعمل دیتے

ہوئے انہوں نے کہاکہ نیب حکومت کا بغل بچہ ہے یا حکومت نیب کی پستول والے وزیر فیصل واوڈا نے میری گرفتاری کا کہا ہے انہیں کس نے بتایا۔ شاہد خاقان کا کہنا تھا کہ انہیں پستولوں والوں سے ڈر لگتا ہے۔دوسری جانب فواد چوہدری نے اس دعویٰ کی تردید کر دی۔فواد چوہدری نے کہا کہ یہ ہماری مہربانی ہے کہ ن لیگ بطور پارٹی اب تک قائم ہے ہم نے پنجاب میں کوئی توڑ پھوڑ نہیں کی۔اتحادی کی ناراضی پر فواد چوہدری نے کہا کہ ایسا کچھ نہیں، بجٹ پاس ہوجائے گا۔

موضوعات:شاہد خاقان عباسی فواد چوہدری