اسلام آباد(نیوزڈیسک)میں ان کو چھوڑوں گا نہیں، جب یہ سارے جیلوں میں ہوں گے تو پھر آپ نے یہ کام کرنا ہے،عمران خان نے ماضی میں خاتون اینکر کو کیا کہاتھا؟ ویڈیو سوشل میڈیا پر وائرل، تفصیلات کے مطابق پاکستان کے لئے ورلڈ کپ جیتنے والے معروف کرکٹر عمران خان بالاخر بائیس سالہ سیاسی جدوجہد کے بعد پاکستان کے بائیسویں وزیراعظم منتخب ہوہی گئے لیکن اب ان کی کہی ہوئی بہت سی باتیں پوری ہورہی ہیں، جن میں سابق وزیراعظم نوازشریف، سابق صدر آصف علی زرداری کی گرفتاری سمیت دیگر اپوزیشن رہنماؤں کی گرفتاریاں

بھی شامل ہیں، ماضی میں خاتون ٹی وی اینکر کو انٹرویو کے دوران عمران خان نے بہت سی باتیں ایسی کہی تھیں جو اب پوری ہوتی نظر آرہی ہیں عمران خان نے کہاتھا کہ میرا قوم سے وعدہ ہے کہ میں ان کو چھوڑوں گا نہیں، جب یہ سارے جیلوں میں ہوں گے تو پھر آپ نے میرا انٹرویو کرنا ہے، عمران خان کا یہ انٹرویو اب ایک بار پھر سوشل میڈیا پر وائرل ہوگیا ہے اور صارفین اس پر طرح طرح ک تبصرے کر رہے ہیں، عمران خان کے حامیوں کاماننا ہے کہ خان نے جو کہا بالاخر سچ کردکھایا اب عمران خان اپنے دیگر وعدوں کی بھی تکمیل کریں گے۔