لاہور( این این آئی )پاکستان مسلم لیگ (ن) کی خاتون رہنما فرزانہ بٹ نے کمرہ عدالت کے اندر جانے سے روکنے پر پولیس اہلکار کو تھپڑ مار دیا ۔ تفصیلات کے مطابق حمزہ شہباز کی جانب سے دائر عبوری ضمانت کی درخواستوں پر سماعت کی وجہ سے بڑی تعداد میں لیگی رہنمااور کارکن عدالت پہنچے ۔ لیگی خاتون رہنما فرزانہ بٹ نے کمرہ عدالت میں جانے کی کوشش کی تاہم ڈیوٹی پر تعینات کانسٹیبل علی رضا نے انہیں اندر جانے سے روکا
جس پر فرزانہ بٹ نے اہلکار کو تھپڑ مار دیا ۔دوسری جانب مسلم لیگ (ن) کے رہنما سمیع اللہ خان کی کمرہ عدالت میں طبیعت خراب ہو گئی ۔ حمزہ شہباز کی جانب سے دائر عبوری ضمانت کی درخواستوں پر سماعت کے دورا ن مسلم لیگ (ن) کے رہنمائوں کی ایک بڑی تعداد بھی کمرہ عدالت میں موجود تھی ۔ اس دوران سمیع اللہ خان کی طبیعت اچانک خراب ہو گئی جس پر انہیں کمرہ عدالت سے باہر لایا گیا ۔ تاہم کچھ دیر بعد ان کی طبیعت بحال ہو گئی ۔
