اسلام آباد (این این آئی)آصف زرداری کی گرفتاری کے بعد بلاول بھٹو کے ترجمان کو پولیس نے گرفتارکر نے کی خواہش ظاہر کر دی۔پیر کو اسلام آباد پولیس بلاول بھٹو کے ترجمان کو گرفتار کرنے کیلئے زرداری ہاوس پہنچی اور کہاکہ مصطفی نواز کھوکھر کو گرفتار کرنے کے لئے آئے ہیں جس پر نیر بخاری نے کہاکہ
مصطفی کھوکھر کو کس کیس میں گرفتار کرنا چاہتے ہیں؟ مصطفی کھوکھر کے خلاف ایک ہی کیس تھا جس میں وہ ضمانت حاصل کر چکے ہیں۔نیر بخاری نے کہاکہ مصطفی کھوکھر نے اور کوئی جرم کیا ہے تو بتادیں۔نیئر بخاری نے کہاکہ دوسرا کوئی جرم بتا دیں تو مصطفی کھوکھر کو پیش کر دیتے ہیں۔
