اسلام آباد (این این آئی) پاکستان مسلم لیگ (ن)کے سینیٹر پرویز رشید اور تحریک انصاف کے سینیٹر فیصل جاوید کے درمیان سخت جملوں کا تبادلہ ہوا ۔ جمعہ کو سینٹ میں اظہار خیال کرتے ہوئے سینیٹر فیصل جاوید نے کہاکہ پارلیمان کو اپنا کام کرنا ہوگا۔ انہوںنے کہاکہ عدلیہ کے پاس مقدمات کے انبار ہیں،عدالت پر حملوں کی تاریخ موجود ہے۔
سینیٹر فیصل جاوید نے کہاکہ عدلیہ کے بارے میں بیانات کی تاریخ موجود ہے، اپوزیشن اپنی کرپشن کے دفاع میں لگی ہوئی ہے۔ انہوںنے کہاکہ عوامی مسائل پر اپوزیشن کی کوئی دلچسپی نہیں ہے۔انہوںنے کہاکہ اپوزیشن کی ڈیوٹی ہے کہ وہ اپنے لیڈر کو خوش کرنا ہے۔فیصل جاوید نے کہاکہ کمیٹی فیصلہ کرتی ہے ، کمیٹی کے ممبران آج برائے نام اپوزیشن کرنے کے لیے بل کی مخالفت کر رہے ہیں۔فیصل جاوید نے کہاکہ اگر اپوزیشن سے کوئی بات ہوئی تو جو میں کہوں گا تو اس کے لئے تیار رہنا۔ سینیٹر پرویز رشید نے کہاکہ تم دھمکی دے رہے ہو ۔ فیصل جاوید نے کہاکہ بیچ میں مت بولیں۔انہوںنے کہاکہ فیصل جاوید نے کہاکہ یہ جملے کسیں گے تو وہ بات کرنے پر مجبور ہوں گا جو نہیں کرنا چاہتا۔سینیٹر فیصل جاوید نے کہاکہ اپوزیشن ججز کی بات کررہی ہے توجسٹس سجاد علی شاہ کی روح نپ رہی ہے۔

موضوعات:سینیٹر فیصل جاوید