اسلام آباد (این این آئی)تحریک انصاف حکومت کیلئے بڑی کامیابی چند دنوں میں متوقع ہے،4 ماہ بعد کراچی سے 280 کلو میٹر دور زیر سمندر تیل و گیس کی تلاش کیلئے مطلوبہ ڈرلنگ کا مرحلہ مکمل کر لیا گیا۔ میڈیا رپورٹ کے مطابق ای این آئی کمپنی پر مشتمل جوائنٹ وینچر نے تیل وگیس کی حقیقی مقدار کے تعین کا عمل شروع کردیا، ایک ہفتے میں رپورٹ مرتب کرلی جائے گی،
ذرائع کے مطابق تیل وگیس کے ذخیرہ تک رسائی حاصل کرلی گئی،حقیقی مقدار کی تعین آئندہ تین روز میں ہوجائیگا جبکہ تیل وگیس کی مقدار کی رپورٹ ایک ہفتے میں تیار کرلی جائے گی۔ابتدائی اندازے کے مطابق کیکڑا ون بلاک میں 9 ٹریلین کیوبک فٹ گیس اور خام تیل کی بڑی مقدار موجود ہوسکتی ہے۔ڈرلنگ کے عمل کے دوران آپریشن ٹیم کو ہائی پریشر کا سامنا کرنا پڑا۔ اگر ذخائر کی مالیت 10ارب ڈالر ہوئی تو گیس و تیل کو نکالنے کیلئے سمندر میں انفراسٹرکچر بچھایا جائے گا جبکہ پاکستان کا پٹرولیم مصنوعات کا امپورٹ بل 6ارب ڈالر سالانہ کم ہونے کی بھی امید ہے۔ دوسری جانب ڈرلنگ مکمل کرنے والی کمپنی کے درآمد کردہ ڈرلنگ بحری جہاز، ہیلی کاپٹرزاور دیگر سامان کو ایف بی آر کی جانب سے تاحال کلئیرنس نہ مل سکی۔کسٹمز حکام نے اضافی کسٹمز ڈیوٹی کی مد میں 1ارب 5کروڑ96لاکھ 25ہزار992روپے جمع کروانے کی ہدایت کردی ہے۔دوسری جانب ڈرلنگ مکمل کرنے والی کمپنی کے درآمد کردہ ڈرلنگ بحری جہاز، ہیلی کاپٹرزاور دیگر سامان کو ایف بی آر کی جانب سے تاحال کلئیرنس نہ مل سکی۔کسٹمز حکام نے اضافی کسٹمز ڈیوٹی کی مد میں 1ارب 5کروڑ96لاکھ 25ہزار992روپے جمع کروانے کی ہدایت کردی ہے
