کراچی(این این آئی)کراچی میں گورنر سندھ کے پروٹوکول کی ویڈیو بنانا چینی باشندوں کو مہنگا پڑگیا۔ سی ویو کے قریب سے ساؤتھ پولیس نے 2 چینی باشندوں کو حراست میں لے لیاہے۔گورنر سندھ کے پروٹوکول کی ویڈیو بنانے والے چینی باشندوں کو لینے کے دینے پڑ گئے۔کراچی میں گورنر سندھ عمران اسماعیل کا کارروان سی ویو کے قریب گزر
رہا تھا تو وہاں موجود چینی باشندوں زی اور گو نے وڈیو بنالی۔مشکوک سرگرمیوں پر سیکیورٹی الرٹ ہوئی اور دونوں چینیوں کو ساؤتھ زون پولیس نے حراست میں لے لیا۔دونوں غیر ملکیوں کے موبائل فونز اور دستاویزات تحویل میں لے لی گئی ہیں اور جانچ پڑتال شروع کردی گئی۔ذرائع کے مطابق دونوں چینی تھر پروجیکٹ پرکام کرتے ہیں۔
