اسلام آباد(آن لائن) تحریک انصاف کے رہنما سینیٹر فیصل جاوید نے کہا ہے کہ پارٹی بڑی ہو یا چھوٹی لڑائیاں ہوتی رہتی ہیں میں نے جہانگیر ترین سے کہا ہے کہ اختلافات سے کارکن پریشان ہیں جس پر جہانگیر ترین نے کہا کہ وزیراعظم عمران خان کی قیادت میں سب متحد ہیں۔ نجی ٹی وی سے گفتگو کرتے ہوئے فیصل جاوید نے کہا کہ کوئی ڈیل نہیں ہو گی وزیراعظم عمران خان نے قوم سے وعدہ کیا ہے کہ لوٹی ہوئی دولت واپس لاکر قومی خزانے میں جمع

کرائی جائے گی، اپوزیشن حکومت کو نہ ٹف ٹائم دے سکتی ہے  اور  نہ ہی کچھ بگاڑ سکتی ہے، انہوں نے کہا کہ پارٹی چھوٹی ہو یا بڑی لڑائیاں تو ہوتیی رہتی ہیں یوم تاسیس پر پوری قیادت ایک ساتھ ہوگی میری جہانگیر ترین سے ملاقات ہوئی ہے میں نے ان سے کہا ہے کہ اختلافات سے کارکن پریشان ہوتے ہیں جس پر انہوں نے کہا کہ وزیراعظم عمران خان کی قیادت میں سب متحد ہیں فیصل جاوید نے کہا کہ میں ثالثی نہیں کرا رہا بلکہ التجا کررہا ہوں۔