ٹانک (سی پی پی )خیبر پختون خوا کے شہر ٹانک کے گائوں مرتضی سے نامعلوم افراد نے اسسٹنٹ کلکٹر انکم ٹیکس سمیت 4 سرکاری اہلکاروں کو اغوا کر لیا۔مقامی پولیس کا کہنا ہے کہ اسسٹنٹ کلکٹر ریاض خان اپنی والدہ کے انتقال پر پشاور سے اپنے گاوں آئے تھے کہ انہیں اغوا

کر لیا گیا۔پولیس حکام کے مطابق اسسٹنٹ کلکٹر ریاض خان کے ساتھ اغوا ہونے والے دیگر افراد بھی سرکاری اہلکار ہیں۔پولیس حکام نے یہ بھی بتایا ہے کہ چاروں افراد کو گزشتہ شب مین روڈ سے اغوا کیا گیا، نامعلوم ملزمان کے خلاف ان 4 افراد کے اغواکا مقدمہ درج کر لیاگیا ہے۔

موضوعات:خیبر پختونخوا