لاہور( این این آئی)وزیراعظم کے ترجمان ندیم افضل چن نے کہاہے کہ حکومت میثاق معیشت پردستخط کرنے اور جمہوریت کے استحکام کیلئے حزب اختلاف کے ساتھ بات چیت کیلئے تیارہے۔سرکاری ریڈیو کے مطابق ایک انٹرویو میں ندیم افضل چن نے کہا کہ پارلیمانی امور کو خوش اسلوبی سے چلانے
کی ذمہ داری حکومت اور حزب اختلاف دونوں پرعائد ہوتی ہے۔انہوں نے کہاکہ مسلم لیگ (ن)اورپیپلزپارٹی نے میثاق جمہوریت پر دستخط کئے تھے جس کابنیادی نقطہ کسی جمہوری حکومت کی مدت مکمل کرنے سے متعلق تھا۔لاپتہ افراد سے متعلق ایک سوال پرانہوں نے کہاکہ یہ حساس معاملہ ہے جسے جلدحل کیاجاناچاہیے۔
