اسلام آباد(آن لائن ) پاکستان پیپلزپارٹی کے رہنما نبیل گبول نے کہا ہے کہ وزیراعظم نے ایران میں غیر سنجیدگی کا مظاہرہ کیا دورے سے کچھ حاصل نہیں ہوا ،عمران خان قوم کو بتائیں کیوں گئے تھے اگر زرداری غلط تھا تو حفیظ شیخ بھی غلط تھا، عثمان بزدار کو ہٹانے کے لئے سرور سرگرم ہیں۔ نجی ٹی وی سے گفتگو کرتے ہوئے نبیل گبول نے کہا ہے کہ ایران میں عمران خان نے غیر سنجیدگی کا مظاہرہ کیا ایران کے خلاف پاکستان کی سرزمین استعمال

نہیں ہو رہی وزیراعظم کے دورہ ایران سے کچھ حاصل نہیں ہوا عمران خان قوم کو بتائیں وہ ایران کیوں گئے تھے انہوں نے کہا کہ پنجاب میں عثمان بزدار کو ہٹانے کے لے چوہدری سرور سر گرم ہیں حکومت خود مسائل کا شکار ہے مہنگائی نے عوام کی چیخیں نکال دی ہیں انہوں نے کہا کہ اگر کسی نے کرپشن کی ہے تو ایسے جیل میں ڈال دیں اگر زرداری غلط تھا پھر حفیظ شیخ بھی غلط تھا حفیظ شیخ کو تو آپ نے وزارت دے دی ہے ۔

موضوعات:نبیل گبول