جامشورو(اے این این)سندھ یونیورسٹی کے شعبہ جغرافیہ کے طالبعلم فضل الرحمان رند نے امتحانی فارم پر تصویر کی جگہ پر اپنے دوستوں کے ساتھ لی گئی سیلفی لگادی جس پر ناظم امتحانات نے طالبعلم کی اس حرکت کا نوٹس لے لیا۔سندھ یونیورسٹی جامشورو کے طالب علم فضل الرحمان رند نے پانچویں سمسٹر کے لیے آن لائن امتحانی فارم پر کیا جس پر انہوں نے دوستوں کے
ساتھ لی گئی سیلفی لگا دی۔طالبعلم کے امتحانی فارم کی تصویر سوشل میڈیا پر وائرل ہوئی تو فوری طور پر یونیورسٹی انتظامیہ حرکت میں آئی اور ناظم امتحانات نے طالبعلم کی شرارت کا نوٹس لے لیا۔سندھ یونیورسٹی کے ترجمان نادر علی مغیری نے کہا کہ طالب علم نے یونیورسٹی کی ساکھ خراب کرنے کی کوشش کی ہے، طالب علم کے خلاف ڈسپلن ایگزامیشن کمیٹی کو کارروائی کی سفارش کی ہے۔
