لاہور (آن لائن) ملک بھر میں بے نامی اکاؤنٹس کے انکشاف کے بعد لاہور میں بے نامی کاروبار کا انکشاف ہوا ہے۔ یہ انکشاف اس وقت سامنے آیا جب ایف بی آر نے ایک عالیشان سٹور کے کاروبار کے عوض سٹور کے نام نہاد مالک ادریس کو 18 لاکھ روپے کا ٹیکس نوٹس بھیجا۔

جس پر ادریس نے وضاحت کرتے ہوئے کہا کہ وہ ایک انتہائی غریب مزدور ہے۔ اس کا کوئی کاروبار نہیں اسے نہیں علم کہ اس کے نام سے کس نے کاروبار شروع کر رکھا ہے۔ واضح رہے کہ ادریس کا تعلق شاہدرہ سے ہے جبکہ بے نامی کاروبار بھی شاہدرہ میں ہے۔