لاہور( این این آئی)خاتون اول بشریٰ بی بی نے گلاب دیوی ہسپتال کا اچانک دورہ کرکے مریضوں کو دی جانے والی سہولیات کا جائزہ لیا۔ خاتون اول نے ہسپتال میں علاج معالجے کیلئے آنے والے مریضوں اور ان کے لواحقین سے بھی صحت کی سہولیات کے بارے میں آگاہی حاصل کی ۔ بشریٰ بی بی نے ہسپتال کے مختلف حصوں کا دورہ کیا جہاں انتظامی ڈاکٹروں کی جانب
سے انہیں بریفنگ دی گئی۔ انہوں نے کہا کہ وزیر اعظم عمران خان کی خواہش ہے کہ ہر شہری کو صحت کی بہترین سہولیات ملیں ، میرا یہاں آنے کا مقصد کسی پر تنقید کرنا نہیں بلکہ صحت کے حوالے سے سہولیات کا جائزہ لینا اور انہیں بہتری کی طرف لے کر جانا ہے ۔ خاتون اول کی ہسپتال آمد کے موقع پر سکیورٹی کے غیر معمولی انتظامات کئے گئے تھے۔
