اسلام آباد(این این آئی)پی اے سی کی سب کمیٹی کا اجلاس تحریک انصاف کی پارلیمانی پارٹی کے اجلاس کی نذر ہوگیا۔تفصیلات کے مطابق کمیٹی روم نمبر 2 میں پی اے سی کی ذیلی کمیٹی کا اجلاس جاری تھا،سب کمیٹی کی صدارت نوید قمر کررہے تھے،سب کمیٹی کو پاور ڈویژن کے حکام مہند ڈیم پر بریفنگ
دے رہے تھے۔اچانک پرچی موصول ہونے پر نوید قمر نے اہم اجلاس ملتوی کردیا۔ ذرائع کے مطابق وزیر اعظم کے سکیورٹی اسٹاف نے کمٹی روم نمبر دو خالی کرنے کی ہدایت کی۔ نوید قمر نے ارکان کو بتایا کہ وزیر اعظم صاحب اب اس روم میں آرہے ہیں ، فورا کمیٹی روم خالی کرنے کا حکم آیا ہے۔
