لاہور (این این آئی )وزیراعلی پنجاب سردار عثمان بزدار نے پولیس یونیفارم تبدیل کرنے کی منظوری دے دی۔وزیراعلی پنجاب عثمان بزدار کی زیرصدارت سنٹرل پولیس آفس میں اجلاس ہوا جس میں انسپکٹر جنرل پولیس امجد جاوید سلیمی نے امن و امان کی صورتحال اور پولیس اصلاحات بارے بریفنگ دی۔ اس موقع پر عثمان بزدار کا کہنا تھا کہ پولیس میں جدید ٹیکنالوجی کا زیادہ سے زیادہ استعمال وقت کا تقاضا ہے، نئے ٹریننگ سینٹرز پر کام کا آغاز
اگلے مالی سال سے ہوگا۔اجلاس میں وزیراعلی پنجاب عثمان بزدار نے پولیس یونیفارم تبدیل کرنے کی منظوری دیتے ہوئے کہا کہ نئے مالی سال سے پولیس کی یونیفارم تبدیل ہو جائے گی، نئی یونیفارم میں پتلون ڈارک بلیو اور شرٹ لائٹ بلیو ہوگی، نئی وردی سے پولیس کا بہتر امیج اجاگر ہوگا۔واضح رہے کہ دوسال قبل بھی پنجاب پولیس کا یونیفارم تبدیل کیا گیا تھا، پنجاب پولیس کی کالی وردی ختم کرکے نئی خاکی وردی جاری کی گئی تھی۔
