اسلام آباد (این این آئی)بھارتی میڈیا پاکستان دشمنی میں پاگل ہوگیا اور لال مسجد کے سابق خطیب مرحوم عبدالرشید غازی کو زندہ کر دیا۔تفصیلات کے مطابق مرحوم عبدالرشید غازی کو پلوامہ حملے کا مرکزی کردار قرار دیدیابھارتی میڈیا کے دعویٰ کے مطابق بھارتی فورسز مرحوم عبدالرشید غازی کی تلاش میں کوشاں ہیں اور رہائش معلوم کرلی۔مرحوم عبدالرشید غازی لال مسجد کے خطیب تھے۔دریں اثناء پلوامہ حملہ کے بعد بھارت نے پاکستان دشمنی میں تمام حدیں پار کر دیں،
اندرون ملک پی ایس ایل میچز دیکھانے پر پابندی لگا دی۔ میڈیا رپورٹ کے مطابق بھارت نے اپنے عوام سے کھیلوں سے لطف اندوز ہونے کا حق بھی چھین لیا۔ بھارتی میڈیا نے دعویٰ کیا کہ بھارتی حکومت نے اندرون ملک پی ایس ایل میچز دیکھانے پر پابندی لگا دی۔ بھارتی میڈیا کے مطابق بھارتی حکومتی دباؤ پر براڈ کاسٹر کو پی ایس ایل کا بلیک آؤٹ کرنا پڑا، بھارتی میڈیا کے مطابق کرکٹ کلب آف انڈیا نے بھی دباؤ میں کرکٹر عمران خان کی تصویر ہٹا دی۔
