لاہور( این این آئی) عدالت سے ضمانت منظور ہونے کے بعد مسلم لیگ (ن) کے صدر محمد شہباز شریف آج ( جمعہ) کے روز لاہور آئیں گے ۔ ذرائع کے مطابق شہباز شریف لاہور آمد پر سب سے پہلے اپنی والدہ سے ملاقات کیلئے جاتی امراء جائیں گے اور اس کے بعد ا ن کی کوٹ لکھپت جیل میں قید اپنے بڑے بھائی
نواز شریف سے ملاقات کا بھی قوی امکان ہے ۔ نیب کی جانب سے شہباز شریف کوآشیانہ ہاؤسنگ اور رمضان شوگر مل کیس میں گرفتار کیا گیا تھا اور وہ جوڈیشل ریمانڈ پر تھے تاہم قومی اسمبلی اور پبلک اکاؤنٹس کمیٹی کے اجلاسوں کی وجہ سے شہباز شریف منسٹر انکلیو میں رہائش پذیر تھے اور اسے سب جیل قرار دیا گیا تھا ۔
