لاہور ( این این آئی ) انسپکٹرجنرل جیل خانہ جات مرزا شاہد سلیم بیگ نے کہا ہے کہ شام کے وقت قیدیوں کی گنتی مکمل کرنے کے بعد کسی قیدی کو جیل سے باہر ہسپتال میں منتقل نہیں کر سکتے ہیں ۔نواز شریف کو آج بروز ( جمعہ ) کی صبح کسی بھی وقت ہسپتال میں منتقل کیا جاسکتا ہے ۔ میڈیا رپورٹس کے مطابق آئی جی جیل خانہ جات نے کہاکہ جناح ہسپتال میں کس وقت نواز شریف کو منتقل کرنا ہے
اس کا فیصلہ حکومت کرے گی۔ محکمہ داخلہ پنجاب نے مسلم لیگ (ن ) کے قائد و سابق وزیراعظم نوازشریف کو جناح ہسپتال منتقل کرنے کے حوالے سے نوٹیفکیشن جاری کردیا ۔ پولیس کو جناح ہسپتال کے اطراف سکیورٹی فول پروف بنانے کی ہدایت جاری کردی گئی ۔ یادرہے کہ سابق وزیراعظم نوازشریف کا ایک مرتبہ پی آئی سی میں طبی معائنہ جبکہ انہیں سروسز ہسپتال میں بھی چھ روز تک زیرعلاج رکھا گیا ۔
