سرگودھا (مانیٹرنگ ڈیسک) عام انتخابات میں پاکستان مسلم لیگ (ن) نے این اے 91 سرگودھا میں کامیابی حاصل کی تھی لیکن ضمنی انتخاب میں لیگی امیدوار شکست کے دھانے پر پہنچ چکاہے، غیر حتمی اور غیر سرکاری نتائج کے مطابق اب تک تحریک کے امیدوار عامر سلطان چیمہ 7 ہزار ووٹوں کی برتری کے ساتھ آگے ہیں، اب تک موصول ہونے والے غیر سرکاری غیر حتمی نتائج کے مطابق این اے 91 کے 20 پولنگ سٹیشن

ہیں اور اب تک 13 پولنگ سٹیشنز کا نتیجہ آ چکا ہے جس میں تحریک انصاف کے امیدوار عامر سلطان واضح برتری حاصل کیے ہوئے ہیں، غیر حتمی اور غیر سرکاری نتیجے کے مطابق اب تک تحریک انصاف کے امیدوار 9600 ووٹوں کے ساتھ آگے ہیں اور مسلم لیگ (ن) کے امیدوار ڈاکٹر ذوالفقار بھٹی 2552 ووٹوں کے ساتھ دوسرے نمبر پر ہیں۔ تحریک انصاف کے کھلاڑیوں نے جشن کا آغاز کر دیا ہے۔