کراچی (این این آئی) سول ایوی ایشن اتھارٹی آف پاکستان (سی اے اے) نے مسافر حضرات سے درخواست کی ہے کہ وہ تمام قومی ہوائی اڈوں پر اپنی شناخت ثابت کرنے کے لئے اپنے کمپیوٹرائزڈ شناختی کارڈز، کارآمد ڈرائیونگ لائسنس یا پاسپورٹ ہمیشہ اپنے پاس رکھیں۔ سول ایوی ایشن اتھارٹی کی جانب سے مسافروں
کے لئے جاری ہدایت نامہ کے مطابق چاہے آپ اندرون ملک پرواز کررہے ہوں یا بیرون ملک سفر۔ ہر فرد مسافروں کا تحفظ یقینی بنانے کے لئے لازماً ہمہ وقت مشترکہ تدابیر اختیار کرے۔ ترجمان سول ایوی ایشن کے مطابق سول ایوی ایشن اتھارٹی یقین رکھتی ہے کہ محفوظ سفر کی کوششوں کا آغاز آپ سے ہوگا۔
