لاہور (نیوز ڈیسک)صوبائی وزیر اوقاف پیر سید سیدالحسن شاہ نے کہا ہے کہ وزیر اعلیٰ پنجاب کے و یژ ن کے مطابق محکمہ اوقاف و مذہبی امور میںنئے سال سے اصلاحتی عمل کا آغاز کیا جا رہا ہے،اس سلسلے میںڈیپارٹمنٹ کی ترقی کے عمل میں آنے والے ہر قسم کے عناصر کی سر کوبی کے لئے حکمت عملی تیار کر لی گئی ہے،محکمہ اوقاف کے تمام شعبہ جات کے افسران کو
محکمہ میں اصلاحتی عمل پر عمل پیرا ہونے اور تمام ٹار گٹ کے حصول کے لئے ٹائم فریم فراہم کیا جا رہا ہے۔انہوں نے کہا کہ صوبہ بھر کے تمام وقف مزارات پر آنے والے زائرین کو جدید اوربہترین سہولیات کی فراہمی کے لئے کام شروع کر دیا گیا ہے۔ ملکی و غیر ملکی زائیرین کو معلومات وہیلپ کے لئے جدید ویب سائیٹ تیار کر لی ہے۔ جس کاجلد افتتاح کر دیا جائے گا۔ دنیا بھر میں موجود زائرین حضرت داتا گنج بخش علی ہجویری و دیگرمزارات پر لنگر کی تقسیم کے لئے آن لائن رقوم ترسیل کر سکیں گے۔ انہوں نے کہا کہ محکمہ اوقاف جلد جدید ترین ویب سائیٹ لانچ کر رہا ہے۔جس میں وقف مزارات کی تفصیلات دستیاب ہونگی۔ ویب سائیٹ پر صاحب مزار کی تعلیمات،افکار،مزار بننے کی تا ریخ،تزئین و آرائش و دیگر معلومات ،زائرین کو دستیاب سہولیات کی بابت تفصیلات بھی اپ لو ڈ کی جائیں گی۔انہوں نے کہا کہ ملکی و غیر ملکی زائرین کے لئے پہلے ماڈل ـ” سہولت سنٹر ” کا افتتاح بھی جلددربار داتا گنج بخش کے احاطہ میں کیا جائے گاجبکہ لاہور ائیر پورٹ پر بھی ـ” سہولت سنٹر ” کا قیام عمل میں لایا جائے گا۔انہوں نے کہا کہ محکمہ اوقاف کے تمام افسران و ملازمین کی با قاعدہ مانیٹرنگ کی جا رہی ہے۔ایسے ملازمین کی بھی لسٹیں تیار کی جا رہی ہیں جو سرکاری فرائض کو ایمانداری سے ادا نہیں کر پا رہے ہیں ۔ ایسے گھوسٹ ملازمین کا بھی کھوج لگایا جا رہا ہے جوسرکاری خزانے کو لوٹ رہے ہیں۔انہوں نے کہا کہ اوقاف کے تمام ملازمین کی حاضری کے لئے بائیو میٹرک سسٹم کو لاگو کرنالازم و ملزوم ہو گیا ہے۔اس سلسلے میں جلد تمام اوقاف دفاتر میں اس کو لاگو کر دیا جائے گا۔
