اسلام آباد (آن لائن)پیپلزپارٹی کی رکن قومی اسمبلی ڈاکٹر نفیسہ شاہ نے کہا ہے کہ گیدڑ اور گدھ سندھ پر قبضہ نہیں کر سکتے ۔ لگتا ہے کہ تحریک انصاف کے کپتان جلد رن آؤٹ ہونا چاہتے ہیں ۔ پی ٹی آئی والے اپنے کپتان کو سنبھالیں ۔ ان خیالات کا اظہار نفیسہ شاہ نے اسلام آباد میں صحافیوں سے گفتگو کرتے ہوئے کیا ۔ انہوں نے کہا کہ تحریک انصاف سندھ کی
بجائے وفاقی اور پنجاب حکومت کی فکر کریں کیونکہ گیڈر اور گدھ سندھ پر قبضہ نہیں کر سکتے ہیں ۔ پی ٹی آئی والے اپنے کپتان کو سنبھالیں لگتا ایسا ہے کہ عمران خان جلد رن آؤٹ ہونا چاہتے ہیں ۔ ایک سوال کے جواب میں نفیسہ شاہ نے کہا کہ عمران خان نے عوام سے جو وعدے کئے ان کو پورا کریں کیونکہ اب ہم عمران خان کو بھاگنے نہیں دیں گے ۔
