اسلام آباد(آئی این پی)پاکستان اور یورپی یونین کے درمیان2 معاہدے طے پا گئے، یورپی یونین ترقیاتی پروگرام کیلئے پاکستان کو 10کروڑ یورو دے گاجو سندھ اور بلوچستان میں غربت کے خاتمے کیلئے استعمال کیا جائے گا۔ جمعہ کو پاکستان اور یورپی یونین کے درمیان 2معاہدے طے پا گئے۔ اس موقع پر اکنامک افیئر ڈویژن اور یورپی

یونین کے سفیر نے معاہدہ پر دستخط کیے ۔ یورپی یونین ترقیاتی پروگرام کیلئے پاکستان کو 10کروڑ یورو دے گا۔ معاہدے کی رقم غربت کے خاتمے کیلئے استعمال کی جائے گی۔ اس معاہدے کے تحت سندھ اور بلوچستان میں روزگار کے مواقع پیدا کیے جائیں گے ۔ سیکرٹری اکنامک افیئر نے ترقیاتی امداد پر یورپی یونین کا خیرمقدم کیا۔