اسلام آباد (نیوزڈیسک) وفاقی وزیر خزانہ اسد عمر نے جنوری کے وسط میں منی بجٹ لانے کا اعلان کرتے ہوئے کہا ہے کہ منی بل ریونیو پیدا کرنے کیلئے نہیں لارہے، آئی ایم ایف کی شرائط سے زیادہ اصلاحات کی رفتار اور سمت اہم ہے، وزارت خزانہ نے اب تک جو بھی فیصلے کئے ہیں ان کا آئی ایم ایف کی شرائط سے کوئی تعلق نہیں ہے۔ وزیراعظم ہاؤس میں صحافیوں سے گفتگو کرتے ہوئے وزیر خزانہ اسد عمر نے کہا کہ جنوری کے وسط میں منی بجٹ لا رہے ہیں۔ انہوں نے کہاکہ

ہم منی بل ریونیو پیدا کرنے کیلئے نہیں لارہے۔ انہوں نے کہاکہ آئی ایم ایف کی شرائط سے زیادہ اصلاحات کی رفتار اور سمت اہم ہے، وزارت خزانہ نے اب تک جو بھی فیصلے کئے ہیں ان کا آئی ایم ایف کی شرائط سے کوئی تعلق نہیں ہے ۔ انہوں نے کہاکہ پی آئی اے اور اسٹیل مل کی بحالی کیلئے جنوری کے آخر تک پلان سامنے آجائے گا، یہ طے ہوجائیگا کہ دونوں اداروں کو کیسے بحال کیا جائے۔ انہوں نے کہا کہ ہم ان اداروں کی بحالی کیلئے گرینڈ حکمت عملی بنارہے ہیں۔